Rusiyede Volgograd vilâyetine qarşı uçucısız ava aletleriniñ kütleviy ücümi aqqında bildirgenler.
Volgograd vilâyetiniñ valisi Andrey Boçarov haber etkenine köre, Volgogradnıñ cenübinde uçucısızlarnıñ parçaları tüşkeni neticesinde №16 hastahane binalarından biriniñ damı ve cermay işlegen zavodda yanğın çıqtı. İlk malümatqa köre, yaralanğanlar yoq.
Rusiye kütleviy haber vastalarınıñ malümatına köre, yanğın söndürildi.
Rusiye Mudafaa nazirligi avgustnıñ 19-nda saba eki Rusiye regionı ve işğal etilgen Qırımda 23 Ukrayina uçucısızı tüşürili, dep bildirdi. Qaç dron uçurıldı – aytılmay.
Ukrayina Silâlı quvetleriniñ Baş ştabı avgustnıñ 14-ne keçer gecesi Ukrayina arbiyleri Rusiye ordusını cermay mallarınen temin etken Volgograd cermay zavodına (OOO «Lukoyl») darye endirdi, dep haber etken edi. Ştabnıñ malümatına köre, darbe uçucısızları zavodda küçlü yanğınlarğa yol açtı.
ASTRA Telegram kanalı haber etkenine köre, «Lukoyl» Volgograd zavodı uçucısızlarnıñ ücüminden soñ işini toqtattı.
2024 senesinden başlap Rusiye cermay zavodları Ukrayina uçucısızlarınıñ ücümlerine oğray. Bazı zavodlarda cermay işlegen donatmalar bozulğan edi, tamir kerek edi.